‘மெரீனா’ படத்தின் வெற்றியைத் தொடர்ந்து டைரக்டர் பாண்டிராஜ் டைரக்ட் செய்து வரும் புதிய படம் தான் ‘கேடி பில்லா கில்லாடி ரங்கா’. இந்தப்படத்தில் விமல், சிவகார்த்திகேயன் இரண்டு பேரும் கேடியாகவும், கில்லாடியாகவும் நடித்து வருகிறார்கள். அவர்களுக்கு ஜோடிகளாக பிந்துமாதவியும்,ரெஜினாவும் நடித்து வருகிறார்கள்.
யுவன்ஷங்கர் ராஜா இசையமைத்திருக்கும் இந்தப்படத்தின் இசைவெளியீட்டு விழா சமீபத்தில் சென்னையிலுள்ள சத்யம் தியேட்டரில் மிகப்பிரம்மாண்டமாக நடத்த திட்டமிடப்பட்டிருந்தது. ஆனால் திடீரென்று அந்த விழாவை கேன்சல் செய்து விட்ட கே.பி.கே.ஆர் டீம் இப்போது படத்தின் பாடல்களை விழா எதுவும் நடத்தாமலேயே கடைகளில் ரிலீஸ் செய்து விட்டார்கள்.
அதில் ஒரு பாடல் தான் சிம்பு பாடிய ‘ஒரு பொறம்போக்கு’ என்று ஆரம்பிக்கும் பாடல். நா.முத்துக்குமார் எழுதியிருக்கும் இந்தப்படல் தான் இப்போதைக்கு யுடியூப்பில் சைக்கைபோடு போட்டு வருகிறதாம். அதாவது பாட்டின் முதல் வரிக்காகவே இந்தப்பாடல் ரசிகர்கள் மத்தியில் பாப்புலராகி வருகிறதாம்.
முழுக்க முழுக்க காமெடிப்படமாக தயாராகி வரும் இந்தப்படம் இந்தமாதம் ரிலீஸாக இருக்கிறதாம்.
0 comments:
Post a Comment